Жарияланды: 260

Кулагин калачиліктерден әбден мезі болғанын айтып қорқытты

Атышулы Калачи тұрғындары ақыры Кулагиннен сөз естіп тынды. 4 жылдан бері дерттеріне дауа таба алмай жүрген ауылдықтар бүгін Ақмола облысы әкімінің қабылдауына кірген болатын. Жұрт көшуге қарсы екендерін айтып, жалғыз мектептің жайын да сөз ете бастап еді әкім бірден ашуға мінді.

Сергей Кулагин, Ақмола облысының әкімі:

-Вы дурака не валяйте, вы мне уже надоели. Я Вас предупреждаю, я не угрожаю. Но вы если будете баламутить, я вас на место поставлю. Имейте в виду я как аким говорю. Не баламудьте.

Көмек сұрап келген калачиліктер облыс басшысынан осылайша сөз естіп қайтты. Ал ұйқы ауруынан әбден қажыған ауылы тұрғындары сырқаттың себебі анықталар деп күткен. Бірақ, осы уақытта сансыз сабылған комиссия су, ауа мен топыраққа дейін тексергенімен, нақты қорытындыға келе алмады. Соңғы рет биылғы сәуір айында байқалған ауру сәл саябырлаған сияқты ма, тұрғындардың көпшілігі ауылын тастап кеткісі жоқ. Оның үстіне салынып жатқан баспана басыбайлы емес, жалға берілетінін естіген. Осы жағдайды ауылдықтар облыс әкіміне жеткізбек болған екен.

Елена Кухта, Калачи ауылының тұрғыны:

-Облыс басшысынан мынадай сөз естимін деп күтпеп едім. Жағамды ұстадым. Егер арқа сүйер әкімі осылай сөйлессе, өзгесінен не күтеміз. Калачиге 12 рет бардым дейді. Бірақ, ешқашан бізді тыңдап көрген жоқ, ылғи аузымызды жабады. 

Пікір қалдырыңыз

Пікір қалдыру тіркелген пайдаланушылар ғана мүмкін