Малайзиядағы Қазақстан елшілігі Жеңістің 60 жылдығына орай қонақасы берді

Малайзия астанасы Куала-Лумпурдағы Қазақстан елшілігі Ресей, Қырғызстан және Өзбекстан Республикаларының дипломатиялық өкілдіктерімен бірлесе отырып, Ұлы Отан соғысындағы Жеңістің 60 жылдығына орай салтанатты қонақасы берді. Бұл туралы KZ-today тілішісіне ҚР СІМ хабарлады.

Жеңіс тойын тойлау шарасына Король отбасы мен Малайзия үкіметінің өкілдері, саяси және іскертоп өкілдері мен дипкорпус қызметкерлері қатысты.

Қонақасы барысында Ұлы Отан соғысы туралы деректі фильм көрсетіліп, фотосурет көрмесі ұйымдастырылды. Сонымен қатар Қазақстанның қазіргі дамуы туралы фильм көрермендер назарына ұсынылды.