Компания басшысының айтуынша, қиындықтар өткен жылдың қараша айында қылаң бере бастаған. Жағдай біртіндеп ушығып,қазір жұмысшылар санын азайтуға мәжбүр. Әзірге 35 адамды қысқартпақ. Дегенмен басшылық жағдай тұрақталған соң дәл осы қызметкерлерді қайта аламыз деп отыр. Ал, жергілікті билік болса, өзге ірі мұнай компанияларда еңбек ететін адамдардың жұмыстан шығып қалмауын қадағалауға көшті. Облыс әкімдігі жер қойнауын пайдаланатын 7 кәсіпорынмен жұмыс орындары мен жалақы көлемін сақтап қалу жөнінде келісім жасады.
Андрей Тищенко, Сервистік компания директоры:
-Қара алтын құнының арзандауына байланысты мұнай өндіру нарығында өте күрделі жағдай туындап отыр. Жұмыс жоқ. Сонда да қызметкерлердің орындарын сақтап қалуға тырысамыз.