Мәжіліс Орталық Азия аймақтық экологиялық орталығының жұмыс шарттары туралы келісімге өзгертулер енгізу туралы келісім-шартын бекітуді мақұлдады

ҚР қоршаған ортаны қорғау министрі Айткүл Самақованың түсініктемесіне жүгінсек, "өзгерістер көбінесе келісімді нақтырақ тұжырымдауға қатысты болып отыр". Атап айтсақ, енгізілген өзгертулерге сәйкес, орталық ҚР заңдарына сәйкес белгіленетін барлық түрлі алым-салықтар мен бюджетке аударылатын басқа да міндетті төлемдерден босатылады. Сондай-ақ, орталықта ресми тұтыну мақсатымен елге әкелетін заттарға кедендік төлемдер төлеу мен оларды елге әкелуге немесе елден шығаруға қатысты шектеулерден босатылады. Аймақтық экологиялық орталықтың жұмыс шарттарына қатысты келісімге 2000-жылдың 12-мамырында қол қойылып, ҚР парламенті оны 2000-жылдың 5-шілдесінде бекітті. Заң жобасы сенаттың талқысына жіберілді.