Мәжіліс ТМД елдері арасында құпия хат-хабар жолдауға негіз болатын келісімді бекітуді мақұлдады

Бүгін, 12-мамырда өткен мәжілістің жалпы отырысында халық қалаулылары "Арнаулы байланыс желісімен жіберілген жолдаулармен мемлекетаралық алмасу туралы келісімді, 1993-жылғы 23-желтоқсандағы аталмыш келісімге өзгерістер мен толықтырулар енгізу жөніндегі хаттама мен соған байланысты бекітілген арнаулы жолдамалармен мемлекетаралық алмастық тәртіптерін" бекітуді мақұлдады,- деп хабарлайды KZ-today тілшісі республика Елордасынан.

Келісімнің басты мақсаты - ТМД елдері арасында құпия хат-хабарларды, бағалы сәлемдемелерді, ішінде технологиялық және коммерциялық құпияға жататын жолдаулары бар орама-сауқаттарды жіберуді жүзеге асыру болып табылады. Келісімге ТМД-ға қатысушы елдердің үкімет басшылары 1993-жылдың 23-желтоқсанында Ашхабадта қол қойған. Ал келісімге өзгерістер мен толықтырулар енгізу жөніндегі хаттамаға 2001-жылдың 16-наурызында ТМД елдері экономикалық кеңесінің Мәскеуде өткен отырысында қол қойылды. Келісімді бекіту туралы заң жобасы сенаттың қарауына жіберілді.

Әріптестер жаңалығы

Пікір қалдырыңыз