Жарияланды: 620

Мемлекет Ауыртпалық активтері қорына арнап $1 млрд бөлуге дайын - Қаржылық бақылау агенттігі

Мемлекет Ауыртпалық активтері қорына арнап $1 млрд бөлуге дайын - Қаржылық бақылау агенттігі

Алматы. 18 қыркүйек. "Қазақстан Бүгін" - Мемлекет Ауыртпалық активтері қорына арнап $1 млрд бөлуге дайын. Бұл туралы ҚР қаржы нарығы мен қаржылық ұйымдарды реттеу және қадағалау агенттігінің төрайымы Елена Бахмутова кеше өткен баспасөз мәслихатында мәлімдеді, деп хабарлайды агенттік тілшісі.

Қазір осы бағытта консультациялар жүргізіліп, әлемдік тәжірибе зерттелуде. Оның айтуынша, бұл әлемдік тәжірибеден алынған механизм болғанымен, бұған дейін оны оң және кері әсерлері байқалғандықтан, қазір халықаралық ірі қаржылық ұйымдармен бұрын жіберілген қателіктерді қайталамау үшін консультациялар жүргізілуде. Ауыртпалық активтері қорының тұжырымдамасы 1 қазанға дейін үкіметке таныстырылуға тиіс. "Қазір тұжырымдаманың жобасын жасау іс-шараларының жоспары бекітілді, ал тұжырымдаманың өзін біз үкіметке 1 қазанға дейін таныстыруға тиіспіз. Қазір ақылшылармен, инвесторлармен, банктермен келіссөздер жүргізілуде, мемлекеттік органдар өз ұсыныстарын сабақтастыруда, яғни, тұжырымдаманы дәйектеуге бір ай мұрсат берілген", -деді Б. Жәмішев. Бұдан бұрын да хабарлағанымыздай, мемлекет басшысы Нұрсұлтан Назарбаев Қазақстан Республикасы парламентінің ІІ сессиясын ашарда сөйлеген сөзінде үкіметтің міндеті - "экономикалық қауіпсіздіктің әлдеқайда жоғары деңгейін қамтамасыз ету, банк секторының тәуекелін барынша төмендету" екенін атап өтті. "Әлемдік экономиканың турбуленттілігі жағдайында экономикалық ахуалды тұрақтандыру жөніндегі біздің іс-әрекетіміз сарабдал да уақтылы болып шықты. Ендігі біздің міндетіміз - экономикалық қауіпсіздіктің әлдеқайда жоғары деңгейін қамтамасыз ету, банк секторының тәуекелін барынша төмендету. Сондықтан да мен Үкіметке және "Қазына" қорына әлемдік озық практиканы ескере, халықаралық қаржы институттарын тарта отырып, ауыртпалық активтері қорын құру мәселесін пысықтауды тапсырдым. Бұл - қаржы тәуекелдерін басқарудың сенімді нарықтық тетігі, сондықтан да біз онымен қаруланатын боламыз. Әңгіме кредитке қойылған кепіл мүліктердің бағасы түсіп, банктер жұмсаған шығындарды өтемеуі себепті біздің банктердің жағдайы одан әрі нашарлау мүмкіндігі туралы болып отыр. Мұнда мемлекет сол бағаларды төмендету есебінен көмектесе алады. Мұны Үкімет нақты пысықтап, тиісті жекеменшік құрылымдармен келісуі тиіс. Талдау көрсеткеніндей, әлемдік экономикадағы дағдарыс үрдістері әлі еңсерілген жоқ. Сондықтан да Үкімет пен Парламент келесі жыл да қиын жыл болуы мүмкін екенін ескеруі қажет. Әлемдік экономикадан туындайтын күрделі де қиын жағдайларға әзір болу керек",- деді Нұрсұлтан Назарбаев. Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті

Пікір қалдырыңыз

Пікір қалдыру тіркелген пайдаланушылар ғана мүмкін

Закрыть