Жарияланды: 290

МИ-8 тікұшағының бортындағы 8 адамның мәйіті анықталды

«Ми-8» тікұшағымен құлап, опат болған марқұмдардың мәйіті түгел табылды. Әуе техникасы кеше Алакөл ауданындағы Достық бекеті маңынан табылған еді.

Тікұшақтың артқы бөлігі ғана бүтін демесең, алдыңғы жағының сау тамтығы қалмапты. Үйінді астынан кеше 7 адамның денесі табылса, бүгін таңертен 8-шісінің мәйіті шығарылды. Сонымен, экипаж командирі - Рауль Хабибуллиннің, ұшқыш - Нұрлан Есеналиевтің, механик пен екі инженердің, сондай-ақ тапсырыс беруші - «ҚазТрансОйл» компаниясының 3 қызметкерінің өлгені нақты белгілі болып отыр. Қазір оқиға орнында толыққанды тексеру жұмыстары жүргізілуде. Естеріңізге сала кетсек, «Ми-8» тікұшағы сенбі күні «Атасу-Алашанькоу» мұнай құбырын әуеден бақылау үшін шыққан болатын. Бірақ діттеген жеріне жетпей, жоғалған еді. Із кесушілер әуе көлігін тек 5 күннен кейін тапты.

Айдос Оңғаров, Алматы облысы ТЖД баспасөз бөлімінің Бас маманы:

- Кеше кешкі 8 жарым шамасында 7 адамның денелері табылды. 8-ші, соңғы адам бүгін 11-лерде анықталды. Бұдан ары қарай апаттың себептеріне қатысты  прокуратура жауап беретін болады.

Пікір қалдырыңыз

Пікір қалдыру тіркелген пайдаланушылар ғана мүмкін