Нұрлан Ноғаев, Батыс Қазақстан облысының әкімі:
-Бұл не деген тәртіп? Премьер-министрдің орынбасары жиналыс өткізіп жатыр! Ал сендер өз телефондарыңнан көз алмадыңдар! Бұл берілген тапсырмаға деген сендердің көзқарастарыңды көрсетеді.
Әкімнің ашуын шақырған дәл осы қызметкерлер. Жоспар бойынша барлығы білім алу бағдарламасын талқылауы тиіс еді. Бірақ премьер-министрдің орынбасарына сұрақ қоюдың орнына, әкімдік өкілдері телефондарынан көз алмай отырған. Бұған ашуланған Нұрлан Ноғаев қарамағындағыларды бір сілкіп алды. Мысалы мына шенеунік смартфонмен дойбы ойнаудың орнына көктемгі тасқын мәселесін талқылауы қажет болған. Бірақ күн жылығанша әлі уақыт бар деп ойласа керек, 2-3 партия ойнап үлгерді. Енді облыс басшысы алдағы жиындарда атқамінерлерді өз телефондарын сыртта қалдыруға мәжбүрлемек.