Жарияланды: 550

Өгей қызын зорлап келген азғын 16 жылға сотталды

Жамбыл облысында өгей қызын зорлаған азғынға қатысты сот үкімі шықты. 13 жастағы жеткіншекті бір жыл бойы азаптап келген Шу ауданының тұрғыны 16 жылға бас бостандығынан айырылды.

-Жазасы қатаң режимдегі колонияда өтелсін.

Психикалық ауытқушылығы бар қыз өгей әкесінен жәбір көріп жүргенін анасына түсіндіре алмаған. Тек аяғы ауырлап, жүктілігіне үш ай толғанда ғана шешесі азаматтық некедегі күйеуінің қызымен төсектес болғанын түсініпті. Тергеу барысында, педофилдің ішімдік ішкен сайын қаршадай қызды ермек қылатыны анықталған. Алайда 44 жастағы азамат әлі күнге өз кінәсін мойындамай отыр. Енді ол 16 жылға түрмеге қамалып қана қоймай, 1 млн. теңге моральдық шығын төлейтін болды. 

Пікір қалдырыңыз

Пікір қалдыру тіркелген пайдаланушылар ғана мүмкін