Түлкібас ауданы әкімінің бұрынғы орынбасары Алмазбек Мамытбеков 15 тамызда облыстық ішкі саясат басқармасының бастығы қызметіне ауыстыру арқылы тағайындалды.
39 жастағы А. Мамытбеков география және биология пәнінің мұғалімі мамандығын игерген. 1994 жылдан бастап облыстық әкімдіктің құрылымында жұмыс істеп келеді. 2005 — 2007 жылдары облыстық ішкі саясат департаменті директорының орынбасары, 2007 жылдың ақпан айынан бері Түлкібас ауданы әкімінің орынбасары болған.
Бұдан бұрын да хабарлағанымыздай, Оңтүстік Қазақстан облыстық ішкі саясат басқармасының бастығы Баһадүр Нарымбетов Қазақстан президентінің әкімшілігіндегі қызметке ауыстырылды.
Ақпаратты пайдаланған жағдайда «Казахстан Сегодня» ақпараттық агенттігіне сілтеме жасау міндетті