Арнайы қызмет өкілінің хабарлауынша, Өзбекстаннан Қазақстанға қарай бет алған екі қызы бар әйел өтуге тыйым салынған жерден шекараны кесіп өтпекші болған. Заң бұзушыны шекарашылар «Сарыағаш» күзет бекетінің аумағы маңында тұтқындаған. «Тексерген кезде есірткіні балалар алып жүргені мәлім болды. Олардың әрқайсысының сөмкесіне бес-бес келіден бөлініп салынған», — деді Е. Росляков.
Оның мәліметтеріне сүйенсек, әйел қамауға алынған. Қазіргі кезде ол Оңтүстік Қазақстан облысының Ұлттық қауіпсіздік комитеті департаментінің тергеу изоляторында отыр. Аталмыш оқиғаға қатысты қылмыстық іс қозғалған.
Ақпаратты пайдаланған жағдайда «Казахстан Сегодня» ақпараттық агенттігіне сілтеме жасау міндетті