Орал мен Көкшетауда өрттердің салдарынан екі адам қаза тапты

ТЖМ мәліметінше, Көкшетау қаласындағы Лермонтов көшесінде жай үйде 12 тамызда сағат 21.16-да 12 шаршы метр аумақта өрт шықты, соның салдарынан бір адам қайтыс болды. Өрт ҚР ТЖМ Өрт сөндіру қызметінің 4 арнаулы техникасы мен жеке құрамының 16 адамының көмегімен 22 сағат 29 минутта сөндірілді. Сонымен бірге, Оралда 12 тамызда сағат 13.34-те №698 гаражда 50 шаршы метр аумақта өрт шықты. Өрт салдарынан бір ер адам қаза тапты. Баспасөз қызметінің ақпаратына сәйкес, өрт ҚР ТЖМ Өрт сөндіру қызметінің 2 арнаулы техникасы мен жеке құрамының 10 адамының көмегімен 15 00 сағатта сөндірілді. Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті