Төменгі қабатта құрылыс дүкені және соған іргелес дене шынықтыру залы мен сауна орналасқан екен. Тұрғын үйге монша салуға рұқсаттың қалай берілгені белгісіз. Өрт те, осы жуынатын жерден шыққан. Содан жапсарлас құрылыс дүкеніндегі материалдарға тиген. Шошып оянған тұрғындар көйлекшең көшеге жүгіріп шығуға мәжбүр болды. Қайта өрт сөндірушілер далаға 7 газ баллонын шығарыпты. Мұның барлығы жарылғанда, көпқабатты үйдің күлі көкке ұшуы да мүмкін екен.