Отын-энергетикалық кешенді дамытуға 2009 жылы 60 млрд астам теңге қарастырылған

Астана. 11 қыркүйек. "Қазақстан Бүгін" - Отын-энергетикалық кешенді дамытуға 2009 жылы 60 млрд астам теңге қарастырылған. Бұл туралы бүгін "2009-2011 жылдарға арналған республикалық бюджет туралы" заң жобасының Қазақстан парламентінің мәжілісіндегі тұсаукесері барысында еліміздің экономика және бюджетті жоспарлау министрі Бақыт Сұлтанов мәлім етті, деп хабарлайды агенттік тілшісі.

"Бюджеттің бір ірі блогы отын-энергетикалық кешенге арналған, оған жыл сайын ауқымды қаражат қарастырылады. Мәселен, 2009 жылы 62,8 млрд теңге, 2010 жылы - 99,7 млрд теңге, 2011 жылы - 74,5 млрд теңге көлемінде қаржы қарастырылған", - деді Б. Сұлтанов. Бұл соманың аясында жергілікті бюджеттерге отын-энергетикалық жүйені дамытуға арналған мақсатты трансферттерге 2009 жылы - 47 млрд теңге, 2010 жылы - 79,9 млрд теңге және 2011 жылы - 55,3 млрд теңге бөлу көзделген. Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті

Әріптестер жаңалығы

Пікір қалдырыңыз