Өзбекстан Қазастанмен арадағы шекарасын жапты - Оңтүстік Қазақстан облыстық ІІББ

Бүгін, 13-мамырда Қазақстан мен Өзбекстан арасындағы мемлекеттік шекарада өзбек шекарашылары елшілік қызметкерлерінен басқа қарапайым азаматтарды шекарадан өткізуді доғарды. Бұл туралы KZ-today тілшісіне Оңтүстік Қазақстан облыстық ІІББ-ынан хабарлады.

Бұл шара Әндіжандағы оқиғаға байланысты қолданылды деген болжам бар. Онда өткен түні қарулы адамдар түрмені басып алып, 2 мыңдай қылмыскерді босатып жіберген. Сонымен бірге қазір интернет-агенттіктер Әндіжанда қалалық әкімшілік те басып алынды деген хабарламалар таратуда.

Ал Өзбекстанның мемлекеттік шекара комитетінен KZ-today тілшісіне хабарлауынша, Өзбекстанның шекара әскерлері қалыпты жағдайда борышын өтеп жатыр. Шекараны жабуға шара қолданылған жоқ.