Алматы. 15 шілде. "Қазақстан Бүгін" - Шілденің 9-нан 10-ына қараған түні қару-жарақ қоймасында тізбекті жарылыстар болған Өзбекстанның Бұхара облысының Каган қаласында қазіргі уақытта барлық ұйымдар мен кәсіпорындар қалыпты жұмыс істеп тұр, деп хабарлайды "Қазақстан Бүгін" агенттігінің тілшісі "УзА" агенттігіне сілтеме жасай отырып.
«Ферғана.Ру» агенттігінің хабарлауынша, қазіргі уақытта Бұхара қаласының ауруханасында жарылыстардан зардап шеккен алты адам жатыр. «Бұхара ауруханасында жүздеген адам жатыр деген ақпарат расталмады», — деп хабарлайды агенттік.
Ақпаратты пайдаланған жағдайда «Казахстан Сегодня» ақпараттық агенттігіне сілтеме жасау міндетті