Жарияланды: 500

Парламент "2003-жылғы республикалық бюджетке өзгертулер мен толықтырулар енгізу туралы" заң жобасын бекітті

KZ-today тілшісінің Астанадан хабарлауынша, бүгін, 2-маусымда өткен парламент палаталарының бірлескен отырысында халық қалаулылары "2003-жылғы республикалық бюджетке өзгертулер мен толықтырулар енгізу туралы" заң жобасын бекітті.

Заңды бекітуді қолдап 64 мәжіліс депутаты , сенаттың 34 депутаты дауыс берді. Мәжілістің 3 депутаты заңды бекітуге қарсылық білдірген. 2003-жылғы республикалық бюджет мынадай көрсеткіштермен қабылданды : бюджеттің кіріс бөлігі 710,2 млрд. теңге , шығыс бөлігі 793 млрд.теңге , ал бюджет тапшылығы 82,8 млрд. теңге көлемінде бекітілді . Республикалық бюджеттің шығыс бөлігінен 19,4 миллиард теңге зейнетақы бағдарламасын жүзеге асыруға, ал 45,7 миллиард теңге даму институттарын құруға жұмсалады. Бекітілген заң мемлекет басшысының қол қоюына жіберілді.

Пікір қалдырыңыз

Пікір қалдыру тіркелген пайдаланушылар ғана мүмкін

Закрыть