Парламент 2005-жылға арналған республикалық бюджетке енгізілетін түзетулерді қабылдады

Бүгін, 6 - мамырда өткен парламент палаталарының бірлескен отырысында депутаттар "2005-жылғы республикалық бюджет туралы" заңға өзгерістер мен толықтырулар енгізу туралы" заң жобасын қабылдады,- деп хабарлайды KZ-today тілшісі.

Парламент палаталарынан құрылған келісім комиссиясының шешімімен

бюджеттің кіріс бөлігі 1 трлн. 245 млрд. 300 млн. теңге немесе Жалпы Ішкі Өнімнің 18,9%-і, шығыс бөлігі 1 трлн. 359 млрд. 300 млн. теңге немесе Жалпы Ішкі Өнімнің 20,7%-і көлемінде бекітілді. Бюджет тапшылығы 113,8 млрд. теңге немесе Жалпы Ішкі Өнімнің 1,7% мөлшерінде өзгеріссіз қалды.
Сөйтіп заң қабылданып, мемлекет басшысының қол қоюына жолданды.