Жарияланды: 380

Парламент ЕурАзЭҚ шеңберінде кеден қызметкерлерінің ынтымақтастығы туралы келісімді қабылдады

Бүгін ҚР Парламенті Сенатының жалпы отырысында палата депутаттары

«Еуразиялық экономикалық қоғамдастық шеңберінде Кеден одағына мүше мемлекеттердің кеден қызметтері өкілдіктерінің қызмет мәселелері бойынша кеден істеріндегі ынтымақтастық және өзара көмек туралы келісімді ратификациялау туралы» заңын қабылдады. Аталған келісімге 2011 жылдың 22 маусымында Мәскеуде қол қойылған. Бұл ретте, келісім Кеден одағына мүше мемлекеттердің кеден қызметтері өкілдіктері қызметкерлерінің болуы мен өзара іс-қимылының құқықтық негіздерін регламенттеу мақсатында әзірленген. Келісімге сәйкес кеден қызметі өкілдігінің қызметкерлері кеден заңнамасының орындалуына мониторингті, ұсыныстар даярлауды, кедендік шекарадағы өткізу пункттеріндегі мемлекеттік бақылау түрлерінің жүзеге асырылуына талдау жасайды. Сонымен қатар Кеден одағының кедендік шекарасы арқылы өткізілетін тауар ағымдары туралы деректерді талдауды жүзеге асырады. Бұдан бөлек өздері болатын елдің кеден қызметінде қолданылатын кедендік технологияларды зерделейді және оң тәжірибелер туралы хабардар етіп, ақпараттар алмасуға қатысады. Парламент қабылдаған заң Мемлекет басшысының қол қоюына жіберіледі.

Пікір қалдырыңыз

Пікір қалдыру тіркелген пайдаланушылар ғана мүмкін