Парламент палаталарының бірлескен отырысы Елбасының Жер Кодексіне қойған ветосын талқылауға кірісті

Бүгін, 20-маусымда Астанада парламенттің қос палатасының бірлескен отырысы басталып, онда Елбасының Жер Кодексіне қойған ветосы қаралуда. Сонымен бірге халық қалаулылары ҚР Конституциялық кеңесінің "Қазақстандағы конституциялық ахуал туралы" жолдауын тыңдайды деп күтілуде. Отырысқа мәжілістің 66, сенаттың 33 депутаты қатысып отыр. "Қажетті кворум қалыптасты",- деп хабарлады парламент мәжілісінің төрағасы Жармахан Тұяқбай.