Бұл шешім үшін бірлескен отырысқа қатысқан депутаттар, соның ішінде сенаттың 35, мәжілістің 53 депутаты толық дауыс берді.
«Мен өз атымнан және жалпы үкіметтің құрамы атынан парламент депутаттарына жаңа үкіметтің бағдарламасын қолдағаны үшін ризашылығымды білдіремін. Менің пайымдауымша, атқарушы және заң шығарушы биліктер мемлекет басшысы алға қойған мақсат-міндеттерді бір-бірімен тығыз ынтымақтастықта шешуге тиіс. Мен осындай қолдау көрсеткендеріңіз үшін және сіздермен бірге қоғам алдында тұрған мақсаттарды нақты шешуге мүмкіндік бергендеріңіз үшін ризашылық білдіремін»,- деді үкімет басшысы Кәрім Мәсімов.
Бұдан бұрын да хабарлағанымыздай, бүгін Астанада парламент палаталарының бірлескен отырысы өтіп, онда осыдан бір ай бұрын үкімет басшысы болып тағайындалған Кәрім Мәсімов ел Конституциясына сәйкес үкіметтің таяу жылдарға арналған бағдарламасын таныстырды.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті