Жарияланды: 140

Павлодар облысында 11 адамнан тұратын қылмыстық топ мүшелері сотталды

Павлодар облысында 11 адамнан тұратын қылмыстық топ мүшелері сотталды Сурет - Azattyq ruhy

Павлодар облысы бойынша Экономикалық тергеп-тексеру департаменті іс жүзінде жұмыстар орындалмай, қызметтер көрсетілмей және тауарлар тиеп-жөнелтілмей жалған шот-фактураларды жазып берумен айналықан ұйымдасқан қылмыстық топ қызметінің жолын кесті.

Бұл туралы Caravan.kz медиа порталы Azattyq ruhy-на сілтеме жасап хабарлайды.

11 қатысушыдан тұратын ҰҚТ Павлодар қаласының аумағында 4 жыл бойы жосықсыз салық төлеушілерге салық төлеуден жалтаруға жәрдемдесу мақсатында әрекет еткен. Топ мүшелері бақылауындағы 20 жалған фирма арқылы жалған бухгалтерлік құжаттарды жазып берумен айналысқан.

Мемлекетке ҰҚТ-ның заңға қайшы қызметінен 500 млн теңгеден астам сомаға төленбеген салықтар түрінде залал келтірілді.

Кінәлі тұлғалар 1,5 жылдан 6,5 жылға дейінгі мерзімге сотталды. Мемлекет кірісіне 4 пәтер және 3 автокөлік тәркіленді.

Салық төлеуден қасақана жалтару ҚР Қылмыстық кодексінің 236-бабына сәйкес қылмыстық жауапкершілікті көздейді.

 

Пікір қалдырыңыз

Пікір қалдыру тіркелген пайдаланушылар ғана мүмкін