Петропавлда күн күрт жылынып, көктайғақ пайда болуына байланысты мектеп оқушылары қашықтан оқуға көшірілді, қоғамдық көліктер сәл кейінірек жүре бастайды, — деп хабарлайды Caravan.kz медиа порталы Tengrinews.kz-ке сілтеме жасап.
Қала әкімдігі мәліметінше, бұған дейін өңірде жаңбыр жауып, күннің күрт жылынуынан кейін көктайғақ пайда болған.
"Ауа райының нашарлауына байланысты — жаңбыр түріндегі жауын-шашын, күрт жылыну, жол бойында және жаяу жүргіншілер жолында мұз пайда болды. Қазіргі уақытта бес техника жұмыс істейді. Осыған байланысты қоғамдық көлік өз жұмысын кейінірек бастайды. Құрметті жүргізушілер мен жаяу жүргіншілер, жолдарда мұқият және сақ болуыңызды сұраймын", — деп ескертті шенеуніктер.