Өткен аптада басталған сот отырысына бүгін соңғы нүкте қойылды. Қайрат Нұртастың концерті жайлы тиісті орындарға хабарладым деп орталық директоры ақталғанымен, оның айыбы дәлелденді. Енді Ақан Нұрпейісов мемлекетке 1 миллон 852 мың теңге төлейді. Бұған дейін де осы келеңсіздікке қатысы бар 16 адамға үкім кесілген. Былтыр тамызда «Прайм Плазада» жастар сүйікті әншілері Қайрат Нұртастың концертінен кейін жаппай жаға жыртысып, 90 адам жараланған болатын.