Қарағанды облысында Балқаш станциясында депо басшысы мен оның әйелін өлтіріп кеткен. Ерлі-зайыптының төрт баласы бар.
34 жастағы әйел мен 45 жастағы ер адамды бауыздап кетіпті, мәйіттері үйлердің бірінен табылған. Құқық қорғау органдары күдіктіні анықтады. Қазір іздеу шаралары атқарылып жатыр. Қылмыс "Екі немесе одан да көп тұлғаны өлтіру" бабы бойынша тергелуде.
Кеше Instagram желісіндегі Go_balkhash тобында кісі өлтірді деген күдіктінің суреті жарияланды — 1991 жылы туған ер адам сол станциядағы үйлердің бірінде тұрған көрінеді.
