Қарағандыда жалған террорист психдиспансерге мәжбүрлі түрде емделуге жіберілді

Қарағандыда Қазыбек ауданының N1соты терроризм актісі жайында жалған хабар таратты, деп айып тағылған ер адамды мәжбүрлі түрде емделуге жіберді.


           "Сот қаулысына орай ол психиатриялық стационарға мәжбүрлі түрде емделуге жіберілді", деді бейсенбіде баспасөз мәслихатында облыстық соттың баспасөз хатшысы Раушан Серғазина.
           Оның деректеріне қарағанда, бұл ер адам 2012 жылдың қыркүйегінен қаңтар айына дейін полицияға бес рет телефон соғып, "Қазпочта" АҚ-на, облыстық медицина орталығына, сауда үйіне және екі рет облыстық психоневрологиялық диспансерге мина қойғандығын хабарлаған.