Жарияланды: 20

Қаржылық мониторинг агенттігінің төрағасы тағайындалды

 Қаржылық мониторинг агенттігінің төрағасы тағайындалды

Ол бұған дейін ҚМА төрағасының орынбасары қызметін атқарған. 

 

ҚР Қаржы мониторингі агенттігінің жаңа басшысы лауазымына Дмитрий Малахов тағайындалды, деп хабарлайды Caravan.kz медиа порталы Azattyq Ruhy-на сілтеме жасап. 

Тиісті жарлыққа Президент Қасым-Жомарт Тоқаев 2024 жылғы 13 ақпанда қол қойды.

«Мемлекет басшысының Жарлығымен Дмитрий Михайлович Малахов Қазақстан Республикасы Қаржылық мониторинг агенттігінің төрағасы болып тағайындалды, ол бұрынғы атқарған лауазымынан босатылды», - деп жазылған ресми құжатта.

Дмитрий Малахов 1974 жылы 27 тамызда Көкшетауда дүниеге келген. 1991-1995 жылдары Қазақстан Республикасы Ішкі істер министрлігінің Алматы жоғары мектебінде, 2003-2005 жылдары – Т.Рысқұлов атындағы Экономика және қаржы университетінде білім алған. («Заңгер – заңгер, экономист» мамандығы).

Еңбек жолын ішкі істер органдарында, қаржы полициясында, сыбайлас жемқорлыққа қарсы қызметте және экономикалық тергеу қызметтерінде қызмет етуден бастаған. 2004-2019 жылдары Ішкі істер министрлігінің облыстық және орталық аппараты, Қаржы полициясы және Сыбайлас жемқорлыққа қарсы іс-қимыл ұлттық бюросы басқармалары бастығының орынбасары, 2019 жылдан 2020 жылға дейін – Қазақстан Республикасы Қаржы министрлігі Қаржы мониторингі комитеті Операция департаментінің басшысы.

2020-2022 жылдары Қазақстан Республикасы Сыбайлас жемқорлыққа қарсы іс-қимыл агенттігі төрағасының орынбасары, 2022-2023 жылдары Қазақстан Республикасы Сыбайлас жемқорлыққа қарсы іс-қимыл агенттігі төрағасының бірінші орынбасары қызметін атқарған.

Дмитрий Малахов Қазақстан Республикасы Қаржы мониторингі агенттігінің төрағасы болып тағайындалғанға дейін 2023 жылғы қазаннан бастап Қазақстан Республикасы Қаржы мониторингі агенттігі төрағасының орынбасары болды.

 

Пікір қалдырыңыз

Пікір қалдыру тіркелген пайдаланушылар ғана мүмкін