Қазақ-Қырғыз шекарасындағы кедендік бақылау алынып тасталды

Бүгін Нұрсұлтан Назарбаев  пен Алмазбек Атамбаев «Қордай» және «Ақ жол» бекеттеріндегі кедендік бақылауды алып тастау рәсіміне қатысып,  осындай келісімді бекітті. Қолға алынған шараның нәтижесінде көрші елмен қарым-қатынас нығайып, сауда-саттық одан да ұлғая түседі, - деді Елбасы. Бүгіннен бастап Қырғыз Республикасы Еуразиялық экономикалық одақтың толыққанды мүшесі атанды. Енді оның аумағы кедендік шекарасыз бірегей кеңістіктің бөлігіне айналды. Сол себепті мұндағы 8 бақылау-өткізу бекеті, 7 көлік және 1 темір жолды тек шекарашылар күзететін болады. Олар өтушілердің төлқұжат-визаларын тексеріп, көліктерді тасымалдауға тыйым салынған заттарға қатысты тексерулер жүргізеді. Тауар тасымалданған жағдайда, арнайы құжаттар ресімделіп, артынша салық органдарына тапсырылады. Айта кетейік, екі ел арасындағы кедендік бақылау алынып тасталғанымен, фито-санитарлық қадағалау жүргізіле береді, - деп хабарлайды http://24.kz/.