«Қазақстан Армиясының қару-жарақтары мен әскери техникасын жаңалау барысында жоғары дәлдіктегі, нысанаға таңдап тиетін қаруды қолдануға назар шоғырландырылатын болады»,- деді Д.Ахметов.
«Әлемнің өзгерісімен бірге қару-жарақ пен әскери техниканың құрылымы да өзгеруде, соған сәйкес осындай қаруларды пайдалану идеологиясы да өзгермек»,- деді министр. Оның айтуынша, «мыңдаған шаршы шақырым аумақтарға соққы беру қажет болған ірі аумақты қамтыған соғыстар идеологияға негіз болатын, осы фактор әскери доктринаның мән-мазмұнын айқындайтын уақыт келмеске кетті». «Қазір жоғары дәлдікпен тиетін қарумен нүктелі соққы беру қажет. Республиканың Қарулы күштерінде осындай қару бар»,- деді Д.Ахметов. «Мәселе басқаша. Осы қару-жарақты одан әрі жетілдіру, әскерді басқару жүйесін жаңаша әскери технологиялармен жетілдіру қажет»,- деді министр.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті