Жарияланды: 650

Қазақстан Азиядағы өзара сенім және ықпалдастық шаралары жөніндегі Кеңеске мүше-елдердің күш-жігерін біріктіруде маңызды роль атқара алады - РФ Қорғаныс министрлігінің өкілі

Қазақстан болашақта Азия құрлығындағы барлық мемлекеттер мен Азиядағы өзара сенім және ықпалдастық шаралары жөніндегі Кеңеске мүше-елдердің күш-жігерін біріктіруде, соның ішінде тұрақты ілгерілеушілікті қамтамасыз етуде маңызды роль атқара алады. Бұл туралы пікірді бүгін, 7-шілдеде Алматыда басталған Азиядағы өзара сенім және ықпалдастық шаралары жөніндегі Кеңестің арнаулы жұмыс топтарының отырысында Ресей Федерациясы Сыртқы істер министрлігінің

жалпы Азиялық проблемалар басқармасының бастығы Александр Иванов атап көрсетті. Оның айтуынша, "Азия аймағы үшін - Азиядағы өзара сенім және ықпалдастық шаралары жөніндегі Кеңес құру бұрын-соңды болмаған соны құбылыс. Оған кеңеске қатысушы мемлекеттердің құрамы да дәлел бола алады". "Бүгінгі кездесу- Азиядағы өзара сенім және ықпалдастық шаралары жөніндегі Кеңестің алғашқы саммитінде алға қойылған мақсаттарды жүзеге асыруға бағытталған шаралардың тәжірибе жүзіндегі басталуы болып табылады",-деді А.Иванов. Бұдан бұрын да хабарлағанымыздай, Азиядағы өзара сенім және ықпалдастық шаралары жөніндегі Кеңеске Азия құрлығында орналасқан 16 мемлекет, атап айтсақ, Ауғанстан, Әзербайжан, Египет, Үндістан, Израиль, Иран, Қазақстан, Қытай, Қырғызстан, Монғолия, Пәкістан, Палестина, Ресей, Тәжікстан, Түркия және Өзбекстан қамтылады . Кеңеске мүше-елдердің жалпы тұрғындар саны 3 млрд. адамды құрайды. Аумақ көлемі 38,8 млн. шаршы шақырымды немесе жалпы Азия аймағы аумағының 89 проценті, Еуразия құрлығының 72 процентін иемденеді.

Пікір қалдырыңыз

Пікір қалдыру тіркелген пайдаланушылар ғана мүмкін

Закрыть