Қазақстан бүкіл аймақтың мәдени, әлеуметтік гүлдену және экономикалық даму орталығына айналды

Брюссельде қазақстандық журналистерге сұхбат берген Еуропарламент депутаты Струан Стивенсон осындай пікір айтты. Қазақстанның жетістіктері туралы өз ойымен бөліскен еуропалық депутат, республиканың тәуелсіздіктің 20 жылындағы басты жетістігі - түрлі ұлттар мен ұлыстар, әртүрлі конфессия өкілдері тұратын Қазақстанда тұрақты және гүлденген қоғамды құруы екенін айтты. «Бүгінде Қазақстан бүкілорталықазиялық аймақтың мәдени, әлеуметтік гүлденген және экономикалық дамыған орталығына айналып отыр. Және Қазақстан халқы тәуелсіздіктің 20 жылында қол жеткізген жетістіктерін мақтан тұтулары керек», деп атап көрсетті С.Стивенсон.