Жарияланды: 640

Қазақстан мен Ресей арасында транспорттық дәліз құру туралы меморандумға қол қойылады - Назарбаев

Ақтөбе. 23 қыркүйек. "Қазақстан Бүгін" - Қазақстан мен Ресей арасында транспорттық дәліз құру туралы меморандумға қол қойылады. Бұл туралы Елбасы Нұрсұлтан Назарбаев Қазақстан мен Ресейдің шекаралас аймақтары басшыларының бесінші форумында айтты, деп хабарлайды агенттік тілшісі.

"Біздің елдеріміз үшін Батыс Еуропа мен батыс Қытайды Санкт-Петербург - Қазан - Орынбор - Ақтөбе - Алматы - ҚХР бағытында жалғастыратын транспорттық дәліз құруға қатысты тәжірибелік жұмыстардың маңызы аса зор", -деді Нұрсұлтан Назарбаев. "Қазақстан мен Ресейдің осы жобаны жүзеге асыру жөніндегі ынтымақтастық меморандумына осы жолы қол қойылады", - дедң президент. Ол сонымен бірге осы дәлізді құруға екі елдің шекаралық өңірлері де инфрақұрылымды дамыту: логистикалық орталықтар құру, жанға жайлы демалыс пункттерін құру арқылы өз үлестерін қоса алады, деді. Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті

Пікір қалдырыңыз

Пікір қалдыру тіркелген пайдаланушылар ғана мүмкін

Закрыть