Елбасы Нұрсұлтан Назарбаев 11 қараша күні Екатеринбург қаласында өтетін Қазақстан мен Ресей аймақаралық ынтымақтастығының 10-шы форумында РФ Президенті Владимир Путинмен кездеседі. Бұл туралы бүгін BNews.kz порталында өткен онлайн конференция барысында еліміздің Сыртқы істер министрі Ерлан Ыдырысов мәлім етті.
«Форумның маңыздылығы ол оныншы рет өтіп отыр. Бұл екі ел арасындағы өте жақсы дәстүр. Біз Қазақстан мен Ресей арасындағы тату көршілік және одақтастық туралы жаңа келісімге қол қойылатындығын күтудеміз. Бұл біздердің болашақтағы өзара іс-қимылдарымыз үшін жаңа перспектива ашатын жаңа келісім», — деді ол.