Жарияланды: 730

Қазақстан Республикасының Кедендік бақылау комитеті еліміздің барлық уақытша тауар сақтау қоймаларында демалыс және мереке күндері кезекшілік жасауға шешім қабылдады

Астана. 20 тамыз. "Қазақстан Бүгін" - Қазақстан Республикасының Қаржы министрлігінің Кедендік бақылау комитеті еліміздің барлық уақытша тауар сақтау қоймаларында кеден қызметінің мамандары демалыс және мереке күндері де жаппай кезекшілік жасайды деген шешім қабылдады. Бұл туралы бүгін уақытша тауар сақтау қоймаларының қожайындары, сыртқы экономикалық алыс-беріске қатысушылар мен кедендік брокерлермен кездесуде "Астана- кедендік рәсімдеу орталығы"

кеден бекетінің бастығы Ерқабыл Қожбанов мәлім етті, деп хабарлайды агенттік тілшісі. "Кедендік бақылау комитетінің төрағасы мен "ҚТЖ" ҰК АҚ президенті кездесіп, онда еліміз үшін аса өзекті мәселелердің бірі - вагондардың тұрып қалу мәселесі талқыланды. Осыған байланысты тіпті Кедендік кодекске түзетулер енгізіп, осы процедураларды қаарстыру ұсынылып отыр. Өйткені, вагондардың тұрып қалғаны үшін салынатын айыппұлдар айналып келгенде сыртқы экономикалық алыс-беріске қатысатындардың тауарлары мен қызметтерінің ақырғы бағасына әсерін тигізеді", - деді бекет басшысы. Ол ағымдағы жылдың 13 тамызында ҚР Көлік және коммуникациялар министрлігінің бұйрығы мен "ҚТЖ ҰК" АҚ-ның теміржолда жаңа тариф енгізу туралы бұйрығы күшінен енген сәттен бері вагондардың тұрып қалғаны үшін салынатын айыппұл көлемі 10 есе артқанын еске салды. Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті

Пікір қалдырыңыз

Пікір қалдыру тіркелген пайдаланушылар ғана мүмкін