Баспасөз қызметінің ақпаратына сүйенсек, Қазақстан «World Travel Market-2007» көрмесіне жетінші рет қатысып отыр. «Келіп кетушілердің назарына біздің еліміздің ең табиғи бояуы қанық жерлері көрсетілген ақпараттық стенд, мультимедиялық таныстырылым және ағылшын тілінде жарнамалық буклеттер ұсынылды», — деп хабарлады баспасөз қызметі.
Т. Досмұхамбетовтың айтуынша, Қазақстанның туристік мүмкіншілігін туризм индустриясы дамыған елдерден кем түспейтіндей көрсету үшін Қазақстан экспозициясының аталмыш шарадағы көлемін ұлғайтатын кез келіп жетті».
«Біз Қазақстанды жоғары деңгейде көрсетуіміз керек және Қазақстанның оң туристік имиджін қалыптастыру стратегиясын жоспарлы түрде жүзеге асыруымыз қажет. Бұл үшін бізде барлық мүмкіндіктер бар, ал, қажетті жағдай қалыптасқан: экономикалық өсім, саяси тұрақтылық және қауіпсіздік», — деп хабарламада министр сөзін келтірген.
Баспасөз қызметі хабарлағандай, Т. Досмұхамбетов туристік биржаның қарапайым қонақтарымен, батыс тілшілерімен, Иорданияның, Малайзияның туризм министрлерімен, сондай-ақ, дүниежүзілік туристік ұйымның бас хатшысы Франческо Франджалимен бірқатар кездесулер өткізген.
Ақпаратты пайдаланған жағдайда «Казахстан Сегодня» ақпараттық агенттігіне сілтеме жасау міндетті