Жарияланды: 360

Қазақстанда 9 қыркүйекте үлестік құрылыс мәселесі бойынша интернет-конференция жүргізіле бастайды

Астана. 18 тамыз. "Қазақстан Бүгін" - Қазақстанда 9 қыркүйекте үлестік құрылыс мәселесі бойынша интернет-конференция жүргізіле бастайды. Бұл туралы ҚР Ақпараттандыру және байланыс жөніндегі агенттігінің төрағасы Қуанышбек Есекеев бүгін үкіметте өткен селекторлық жиында мәлім етті, деп хабарлайды агенттік тілшісі.

"Конференция регламенті бойынша үлескер өз сұрағын электронды үкіметтің порталына жолдайды, электронды үкіметтің порталы оны модераторға жібереді, модератор бұл сұрақты жауапты мемлекеттік органға жолдайды", - деді Қ. Есекеев. "Интернет-конференцияға қатысушының өзі айқындайтын жауапты мемлекеттік орган жауабын жазып, электрондық сандық тәсілмей қол қойып, оны порталға жібереді, үлескер оны осы порталдан алады. Мемлекеттік органдар кез-келген сауалға 10 күнде жауап беруге тиіс", - деді ол. Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті

Пікір қалдырыңыз

Пікір қалдыру тіркелген пайдаланушылар ғана мүмкін