Жарияланды: 520

Қазақстанда ағымдағы жылы БАҚ-тардағы мемлекеттік тапсырыс көлемі екі есе ұлғайтылды - мәдениет және ақпарат министрі

Астана. 10 қазан. "Қазақстан Бүгін" - Қазақстанда ағымдағы жылы БАҚ-тардағы мемлекеттік тапсырыс көлемі екі есе ұлғайтылды. Бұл туралы еліміздің мәдениет және ақпарат министрі Мұхтар Құл-Мұхаммед Қазақстан парламенті сенатының әлеуметтік-мәдени даму комитетінің отырысында мәлімдеді, деп хабарлайды агенттік тілшісі.

"Мемлекеттік әлеуметтік тапсырыс 81 тақырып бойынша 94 баспа және электронды БАҚ-қа берілді, 2007 жылы 48 БАҚ-қа тапсырыс берілген", -деді М. Құл-Мұхаммед. "Мен әлбетте, мемлекеттік емес БАҚ-тарды жан-жақты дамыту мен қолдауды жақтаймын, олардың келешегі бар", -деді министр. "Бірақ сонымен бірге кез-келген ел мемлекеттік ақпараттық саясат жүргізуден мүдделі, сол себепті біздің қызметтің дәл осы бағытын қолдау үшін министрлік мемлекеттік тапсырысты жеке меншік электрондық және баспа БАҚ-тарда орналастырады. Меніңше, бұл - дұрыс саясат", - деді ол. "Біз осынау медиа құрылымдардың ішкі ісіне қол сұқпай-ақ, мемлекеттік ақпараттық саясатты жүргізу үшін мемлекеттік тапсырыс береміз", -деді М. Құл-Мұхаммед. Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті

Пікір қалдырыңыз

Пікір қалдыру тіркелген пайдаланушылар ғана мүмкін