Қазақстанда тамыздың басынан бері жол қозғалысының ережелерін бұзуға қатысты 200 мыңнан астам оқиғаның жолы кесілді - ІІМ

Астана. 8 қыркүйек. "Қазақстан Бүгін" - Қазақстанда тамыздың басынан бері жол қозғалысының ережелерін бұзуға қатысты 200 мыңнан астам оқиғаның жолы кесілді. Бұл туралы бүгін брифингте ҚР ІІМ ақпарат және қоғаммен байланыс орталығының директоры Бағдат Қожахметов мәлімдеді, деп хабарлайды "Қазақстан Бүгін" агенттігінің тілшісі.

"Жол полициясының бөлімшелерінің жеке құрамы күшейтілген жұмыс тәртібімен әлі де жұмыс істеп жатыр. 1 тамыздан бері арнаулы алдын алу шараларының барысында 243 мыңнан астам жол қозғалысының ережелерін бұзу оқиғаларының алды алынып, 10 мың 187 мас жүргізуші ұсталды", - деді Б.Қожахметов. "Әсіресе Астана және Алматы қалалары айрықша бақылауға алынып, мұнда жол қозғалысының ережелерін бұзуға қатысты 65 мың оқиғаның беті ашылып, 1 мың 127 адамға әкімшілік тұтқындау шарасы қолданылды". Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті

Әріптестер жаңалығы

Пікір қалдырыңыз