Жарияланды: 470

Қазақстанда туберкулезбен жалпы ауыру көрсеткіші азайғанымен, бұл дерттің дәріге төзімді түрлерінің өсу ағымы байқалуда - Дерновой

Астана. 17 ноября. "Казахстан Сегодня" - Қазақстанда туберкулезбен жалпы ауыру көрсеткіші азайғанымен, бұл дерттің дәріге төзімді түрлерінің өсу ағымы байқалуда. Бұл туралы бүгін үкіметте өткен селекторлық кеңесте ҚР Денсаулық сақтау министрі Анатолий Дерновой мәлім етті, деп хабарлайды агенттік тілшісі.

"Кейінгі жылдары туберкулездің таралуы тұрақты азая түсуде, бұл туберкулез дертінің ошақтарында жүргізілген эпидемияға қарсы шаралардың тиімділігін дәлелдейді", - деді А. Дерновой. Дегенмен, оның айтуынша, әсіресе қылмыстық түзету мекемелерінде туберкулездің дәріге төзімді түрлерінің өсу ағымы байқалуда. Сонымен бірге, оның айтуынша, аталған ауру бойынша Маңғыстау, Атырау, Ақтөбе, Ақмола және Қызылорда облыстарында ахуал нашар күйінде қалып отыр. Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті

Пікір қалдырыңыз

Пікір қалдыру тіркелген пайдаланушылар ғана мүмкін