Мамыр мен қыркүйек айлары арасында баға 0,1 пайызға төмендеген. Дегенмен, қазан айында тұрақсыздық қайта байқалған.
Әлеуметтік маңызы бар азық-түлік тауар бағасының қатты өсімі Павлодар (11,1%) және Нұр-Сұлтан (9,3%) қалаларында тіркелген. Ең төменгі көрсеткіш Алматы (3,8%) мен Қызылорда (4,5%) қалаларында белгіленген.
Қазан айы басындағы бағаның шарықтауы әсіресе жұмыртқа (6,9%), қант (4%) және күнбағыс майы (1,6%) өнімдерінен байқалады.
«Жұмыртқаның қазіргі уақыттағы орташа бағасы 314 теңгені құрайды. Бұл өткен жылдың сәйкес кезеңімен салыстырғанда 15,4% жоғары. Ал6 қанттың қымбаттауы елдегі қант өндірісінің төмендеуімен және Ресейдегі қант бағасының өсуімен байланысты. Күнбағыс майы құнының өсуі елдегі осы бағыттағы егістік алаңдарының және импорт көлемінің азаюымен байланысты» — деді Ерлан Ешназаров.
Сондай-ақ министрлік өкілі қазір елімізде бидай бағасының өсімі бар екендігін айтты. Бұл ұн, нан және ет өнімдерінің қымбаттауына әкелуі мүмкін.
