Жарияланды: 390

Қазақстанға қажылыққа үш мың квота бөлінді

Қазақстанға қажылыққа үш мың квота бөлінді Сурет - old.muftyat.kz

 

Бұл туралы Қазақстан мұсылмандары діни басқармасының төраға орынбасары, наиб мүфти Серікбай қажы Ораз қажылық конкурсының іріктеуінен өткен компания басшыларымен өткен жиналыста айтты, деп хабарлайды Caravan.kz баспасөз қызметіне сілтеме жасай отырып.

Басқосу барысында наиб мүфти Серікбай қажы Ораз ҚМДБ қажылық бөлімінің жаңа басышысы Бейбіт Мырзагелдиевпен таныстырып, биылғы қажылық маусымында атқарылатын жұмыстарға тоқталып өтті.

«Биыл Қазақстанға қажылыққа үш мың квота бөлінді. Қажылық қызметі елімізде жылдан жылға жолға қойылып келе жатыр. Қызмет көрсету сапасы да артуда. Биылда еліміздің қажыларына Flynas әуекомпаниясы толықтай қызмет көрсетеді. Қажылар Астана, Алматы, Шымкент қалаларынан тікелей рейс арқылы ұшатын болады», – деді Серікбай қажы Ораз.

Жиында турфирмалардың сапар барысында қызмет көрсету сапасын арттыру мәселелері талқыланып, бірнеше талаптар қойылды. Сондай-ақ, Бейбіт Мырзагелдиев миссия жұмысы туралы мәлімет беріп, алдағы жұмыс жоспары жайлы мәлімдеді.

Пікір қалдырыңыз

Пікір қалдыру тіркелген пайдаланушылар ғана мүмкін