Қазақстанға жеке сапармен Генри Киссинджер келмекші

Ертең, 15-қазанда АҚШ-тың бұрынғы мемлекеттік хатшысы Генри Киссинджер Қазақстанға жеке сапармен келмекші,- деп хабарлайды KZ-today тілшісі мемлекет басшысының баспасөз қызметіне сілтеме жасап.

Баспасөз қызметінің хабарлауынша, танымал саясаттанушы елімізге жеке сапармен келеді. Ол Елордасындағы көрнекті жерлермен танысып, мемлекет және қоғам қайраткерлерімен кездеседі. Г.Киссинджер Астанаға ертең түстен кейін ат басын тірейді деп күтілуде.