Қазақстанның Қырғызстанмен шектесетін тұсында тағы бір шекара заставасы ашылды

Жұма күні Алматы облысының Қырғызстанмен шектесетін тұсында «Қаскелең» деп аталатын тағы бір шекара бекеті ашылды.


           ҰҚК Шекара қызметінің хабарлауынша, застава «Шығыс» аймақтық басқармасының Қарасай шекара жасағы құрамында жұмыс істейді.
           «Қаскелең» заставасы қажетті инфрақұрылымдары, казарма, жатақхана, спорт залы, кинологиялық қызмет нысаны бар әскери қалашық.
           Өткен аптада қазақ-қырғыз шекарасында «Қастек» заставасы ашылған болатын.
           Жыл соңына дейін еліміздің шекарасын бекіту мақсатында оңтүстік пен шығыста да осындай бекеттер ашу көзделіп отыр.