«9-10-желтоқсанда Сыртқы істер министрі Ерлан Ыдырысов Ислам ынтымақтастығы ұйымы СІМ кеңесінің 40-шы сессиясына қатысады. Саммит Гвинеяның Конакри қаласында өтеді», — деп дүйсенбі күні президент жанындағы ОКҚ ресми өкілі Алтай Әбиболлаев мәлім етті.
Оның айтуынша, сапар барысында министр Ислам ынтымақтастығы ұйымындағы бірқатар әріптестерімен екі жақты кездесулер өткізбек.
Сонымен қатар, 11-желтоқсанда Сыртқы істер министрі ресми сапармен Эфиопияға барады.