Қайғылы оқиға жалға алынған жеке кәсіпорын аумағында орналасқан тәлімбақта болған.
Баланың қалай қайтыс болғанын ешкім көрмеген, оның мүрдесін бірнеше тәуліктен кейін полицейлер тапты.
«Бала 18 маусымда жоғалып кеткен. Күндіз анасы полицияға баланы іздестіру туралы өтінішпен келді, деп хабарлады ҚазАқпарат тілшісіне Қостанай облысы ІІД баспасөз қызметінен. — Жан-жақты іздестіру жұмыстары жүргізілді, тергеу-жедел тобы құрылды. Баланың мүрдесі адам танымастай күйде 20 маусымда табылды. Ер бала күзетші боп істейтін ағасымен кездесу үшін келген бүлдіршін ит жүрген маңға барған. Бастапқы сараптама ол иттің талауынан қайтыс болған деген болжам жасады. Сот-медициналық және басқа да сараптамалар тағайындалды, соның нәтижесі бойынша процессуалдық шешім қабылданады.