Жарияланды: 410

Қостанайда қылмыстық топтың жетекшісі ұсталды

Алматы. 13 тамыз. "Қазақстан Бүгін" - Қостанай облыстық ІІД ұйымдасқан қылмыспен күрес басқармасының қызметкерлері қылмыскерлер арасында "Маратенок" деген лақап атпен танымал жергілікті ұйымдасқан қылмыстық топтың жетекшісін ұстады, деп хабарлайды агенттік тілшісі облыстық ІІД-нің баспасөз қызметіне сілтеме жасап.

"43 жастағы Марат Мұқашевты ұйымдасқан қылмыспен күрес басқармасының қызметкерлері "Бамбук" мейрамханасында құрықтады. Одан 4 грамм героин тәркіленді. Есірткілік сараптама көрсеткендей, оның қанынан да марихуана мен героин анықталған", - деп хабарлайды баспасөз қызметі. Полицияның хабарлауынша, онымен бірге 3 грамм героинмен Ресей азаматы, Мәскеудің 48 жастағы тұрғыны да ұсталды. Қазір олардың үстінен қылмыстық іс қозғалып, қамауға алынды. Полиция мәліметінше, "Маратенок" басқарған қылмыстық топ Қостанай өңірінің аумағында кәсіпкерлерді бопсалаумен, бизнеске "қамқорлық" жасаумен, қылмыстық жолмен табылған ақшаны заңдастырумен шұғылданып келген. Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті

Пікір қалдырыңыз

Пікір қалдыру тіркелген пайдаланушылар ғана мүмкін

Закрыть