18 қазан 14.47-де Алматы Төтенше жағдай департаменті күштері мен техникалары Алмалы ауданы, Қожамқұлов көшесі, 259 мекен-жайына жіберілген.
"14.52-де жалпы ауданы 100 шаршы метрге тең шаруашылық үшін салынған үйдің өртенгені белгілі болды. Тез арада сөндіру және өрттен қорғау үшін автоцистерналар жақын маңдағы су гидранттарына қосылды. Өрт болған жерден 4 газ балоны шығарылды. Олардың екеуінің көлемі 25 литр, тағы екеуінікі 5 литр. 25 литрлік газ балонының біреуі қауіпсіз жерге апарылды", — деп хабарлады Алматы ТЖД баспасөз қызметіндегілер.
Өрт 15.10-да ауыздықталды, 15.27-де толық сөндірілді. Полиция қызметкерлері қауіпсіздік үшін Жамбыл көшесін жапқан. Жалпы 10 техника және 35 қызметкер жұмылдырылған.