ҚР Индустрия және сауда министрі бастаған делегация Мәскеу қаласында өтетін ТМД экономикалық кеңесінің 39-шы жиналысына қатысады
|
Астана. 8 қыркүйек. ""Қазақстан Бүгін"" - 12 қыркүйекте ҚР Индустрия және сауда министрі Владимир Школьник бастаған делегация Мәскеу қаласында өтетін ТМД экономикалық кеңесінің 39-шы жиналысына қатысады. Бұл туралы бүгін журналистерге арнап өткізілген қысқаша баспасөз мәслихатында ҚР СІМ-нің ресми өкілі Ержан Ашықбаев құлағдар етті,- деп хабарлайды Қазақстан Бүгін тілшісі. |
Күн тәртібіне денсаулық сақтау, көлік, азық-түлік қауіпсіздігі, Достастық органдарының қаржы шаруашылық қызметі және басқа бағыттардағы интеграциялық өзара ықпалдастықты қамтитын 20-дан астам мәселе енгізілген.
ТМД Экономикалық кеңесінің шешімі Достастық елдерінің арасындағы ынтымақтастық пен әріптестікті одан әрі дамытуға және нығайтуға септігін тигізетін болады.
Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті
Пікір қалдырыңыз
Пікір қалдыру тіркелген пайдаланушылар ғана мүмкін