«Қалық қардың салдарынан Алматы облысындағы жағдай ауыр. Оңтүстік Қазақстан облысының Шыбықбел асуында көлік қозғалысы тоқтатылды. Сонымен қатар, қатты аяздан Астана, Акмола, Қарағанды және Павлодар облыстарының жолдары жабылды», деді А. Федоренко.
«Кейбір облыстарда ауа температурасы 30 градус деңгейінде сақталып тұр, ал түнде 40 градусқа дейн төмендеуі мүмкін дегенді ауа райын болжаушылар топшылап отыр. Осыған байланысты ТЖМ елдімекендерден әсіресе, балалармен бірге жолға шығу қауіпті екенін ескертеді», — деп атап өтті А. Федоренко.
Бұдан бұрын хабарланғанындай, 24 желтоқсаннан бастап ТЖМ Жамбыл, ОҚО, Алматы және тағы да басқа облыс жолдарын қардан тазалау жұмыстарын жүргізуде.
«Бүгінде Алматы облысындағы Үшарал-Достық жолында қардың құрсауында қалған 25 көліктің жағдайы ауыр», — деді департамент директорының орынбасары. Сонымен бірге, «барлық жолаушылар мен көлік жүргізушілер жылы жерге орналастырылып, азық-түлікпен қамтамасыз етілген».
Ақпаратты пайдаланған жағдайда «Казахстан Сегодня» ақпараттық агенттігіне сілтеме жасау міндетті