«Комиссия отырысы күнтәртібіне бір мәселе енгізіледі. Ол алтыншы шақырылатын Қазақстан Республикасы Парламенті Мәжілісінің депутаттарын тіркеу туралы», — деді отырысты ашқан комисия төрағасы Қ.Тұрғанқұлов.
Сонымен қатар ол «Қазақстан Республикасындағы сайлау туралы» Конституциялық заңның 12, 45, 46, 97-1 және 98-баптарына сәйкес ҚР Орталық сайлау комиссиясының қаулысын жария етті.
«Бірінші, алтыншы шақырылатын Қазақстан Республикасы Парламенті Мәжілісінің депутаттары тіркелсін. «Нұр Отан» партиясының партиялық тізімі бойынша — 84 депутат, Қазақстанның «АҚ ЖОЛ» Демократиялық Партиясының партиялық тізімі бойынша — 7 депутат, Қазақстан Коммунистік Халық партиясының партиялық тізімі бойынша — 7 депутат, Қазақстан халқы Ассамблеясы сайлаған 9 депутат. Екіншіден, тіркелген барлық депутаттарға Орталық сайлау комиссиясының отырысында тиісті куәліктер мен омырауға тағатын белгілер тапсырылсын. Үшінші осы ақпарат БАҚ-та жариялансын», — деді ол.